|
Publícase a composición do tribunal que avaliará a proba correspondente ao premio fin de grao prevista para o vindeiro venres 2 de xuño.
Publícase ao mesmo tempo a relación de alumnado admitido para a realización da proba e a concreción horaria da mesma
Premio fin de grao, composición do tribunal
Premio fin de grao, alumnado admitido e hora da proba
Lembramos que o prazo de matrícula para as persoas aspirantes que obtiveran praza nas preditas probas estenderase do 5 ao 16 de xuño.
Probas de acceso a 1º curso de grao profesional, cualificacións
Probas de acceso a 1º curso de grao profesional, aspirantes con praza
O resultado da proba publicarase o venres 2 de xuño. Os aspirantes que superasen a proba, pero non obtivesen unha praza na especialidade escollida, poderán elixir outra nunha reunión que se celebrará o luns 5 de xuño.
A celebración da proba correspondente ao premio fin de grao destinado ao alumnado que remata as ensinanzas profesionais este curso 2022-2023 está prevista para o vindeiro venres 2 de xuño.
Lembramos que pode optar a este recoñecemento o alumnado que remate o sexto curso dos estudos profesionais de música cunha cualificación media igual ou superior a 8 no antedito curso e se presente á proba correspondente.
A inscrición á proba poderá formalizarse o venres día 26 de maio, durante todo o día, na administración ou conserxería do centro.
Despois de pechada a inscrición, publicarase a relación de alumnado admitido, a composición do tribunal e, con posterioridade, a concreción horaria da proba. Esta celebrarase no auditorio do centro.
Toda a información correspondente á proba pódese descargar na ligazón de abaixo.
Acaba de ver a luz un espazo web con documentación audiovisual, textual e fotográfica que amosa o traballo realizado por alumnado e profesorado do Conservatorio Profesional de Música Xoán Montes, Conservatorio Profesional de Danza de Lugo, Cardinais - Academia Internacional Vertixe Sonora e Escola de Arte e Superior de Deseño Ramón Falcón nunha serie proxectos colaborativos conxuntos desenvolvidos entre 2010 e 2023.
Froito deste plantexamento e coa axuda de diferentes organismos, estes proxectos foron presentados en distintos escenarios de Lugo como o Auditorio Municipal Gustavo Freire e o MIHL e doutras cidades da nosa comunidade como o Auditorio de Galicia, Teatro Principal de Santiago de Compostela, Universidade da Coruña e Conservatorio Superior de Música de Vigo, por citar algúns.
Na columna da dereita desta páxina xa tedes un acceso directo para poder visitala.
Xa podedes anotarvos para nas distintas agrupacións do Grao elemental (coro, banda e orquestra) do curso 2023-2024.
Para facelo só tedes que cubrir o formulario premendo nesta ligazón.
O prazo de matrícula correspondente ao curso 2023-2024 estenderase do 22 de maio ao 30 de xuño.
A matrícula estará destinada ao alumnado matriculado no presente curso 2022-2023 así como aos aspirantes que obtiveran praza nas probas de acceso aos diferentes cursos.
En canto a aquelas persoas aspirantes que superasen a súa proba de acceso pero non obtiveran praza, deberán agardar á finalización do prazo de matrícula e a adxudicación de posibles prazas vacantes que levará a cabo o consello escolar do centro.
A matrícula deberá formalizarse a través da plataforma CentrosNET sendo preciso acceder coas nosas credenciais de usuario, contrasinal e contrasinal persoal. É indispensable entón xestionar o noso acceso se aínda este non se producira.
O procedemento consistirá en confirmar a matrícula, levar a cabo o pago e achegar ao centro o xustificante do mesmo a través do correo electrónico ao enderezo administracion.cmus.lugo@edu.xunta.gal.
Na ligazón de abaixo é posible ver e descargar unha guía co calendario de matrícula e os seus diferentes prazos así como a información precisa para a súa formalización.
.jpg)
A listaxe de persoas admitidas publicarase o día 14 de xuño de 2023.
Podes descargar o programa nesta ligazón.
A entrada será de balde ata esgotar as localidades e as localidades non son numeradas: asignaranse por orde de chegada ao concerto.
Lembramos que esta proba está prevista para o vindeiro luns 22 de maio ás 18:00.
O luns 15 de maio ás 19:00 poderemos gozar do concerto que a Banda Xosé Castiñeira dará no auditorio do noso conservatorio.
.png)
Un ano máis, o Festival de Música Cidade de Lugo-50º Semana de Música do Corpus, presenta a súa espectacular programación.
Do sábado 20 de maio ao 9 de xuño celebrarase na cidade de Lugo a 50ª edición do decano dos festivais galegos e un dos máis antigos do estado.
Podes descargar o programa nesta ligazón.
Todos os concertos celebraranse no Círculo das Artes de Lugo agás o da pianista Noelia Rodiles, que terá lugar no Conservatorio de Música Xoán Montes. Todos terán entrada de balde ata esgotar as localidades, e as entradas non son numeradas: asignaranse por orde de chegada ao concerto.
O vindeiro martes 16 de maio, poderemos gozar dun día festivo no que conmemoraremos o Día das Letras Galegas con distintas actividades.
Comezaremos os festexos ás 18:00h no auditorio cun fantástico concerto, no que participarán Antonio Queija (piano), Lorena Rodríguez (clarinete) e o Coro do Grao Profesional dirixido por Henar Matesanz.
Unha vez rematado, ás 18:30h trasladarémonos á zona axardinada xunto a entrada do andar baixo para gozar da música do ensemble de clarinetes e do grupo de música tradicional do conservatorio, así como da danza do alumnado do CDAN. No caso de que a climatoloxía non acompañe, esta actuación realizarase no auditorio.
Remataremos o día ás 20:00h cun fantástico concerto do Dúo Klonos, formado por Rafael Yebra (saxofón) e Pablo Rodríguez (piano) que interpretarán un programa íntegro de compositores galegos.
Celebrade con nós o día das nosas letras!!
