Vacacións de Nadal

As vacacións de nadal abranguerán dende o 23 de decembro ao 8 de xaneiro, ámbolos dous incluídos.

Felices Festas!!

Concertos de nadal

Na derradeira semana deste mes de nadal, celebraremos estas festas con varios concertos de distintas agrupacións do noso conservatorio. 

O mércores día 21 actuarán a banda Xosé Castiñeira, coa colaboración do Coro do Grao Profesional, e a banda Indalecio F. Groba, ás 18:00 e 20:00 respectivamente.

O xoves día 22, ás 17:30, comezaremos a xornada gozando do concerto conxunto da banda e orquesta do grao elemental.

Para rematar a xornada, ás 19:30 poderemos asistir ao concerto da orquestra e o ensemble do grao profesional. 

Neste concerto tamén poderemos disfrutar da colaboración do Coro do noso conservatorio con varias intervencións.

Animádevos, e vide a gozar coa música!!

Importante: reservaranse dúas invitacións por participante de cada agrupación para asistir como público. Estarán dispoñibles na conserxaría do conservatorio dende hoxe mércores, ata o día antes de cada evento no horario de apertura do centro. Dita invitación perderá a súa validez cinco minutos antes do comezo de cada concerto.

As persoas que se acheguen sen entrada poderán acceder aos concertos por orde de chegada ata completar a cabida do auditorio. 

Lembramos tamén que tanto o acceso ao auditorio como a posterior saída do conservatorio, terán que realizarse a través da porta que está situada na planta baixa, ao carón da Avd. de Madrid, agás persoas con mobilidade reducida. 

Só está permitida a presenza de persoas que estean agardando para entrar aos concertos nas escaleiras de acceso ao auditorio, e nunca nos corredores do conservatorio.

Concerto á noitiña co coro

O vindeiro martes 13 de decembro ás 19:00 poderemos gozar do fantástico Concerto á noitiña do coro ddo CMUS no auditorio do conservatorio. 

Agardámosvos!!!