Proba de acceso ao 1º curso do grao elemental

Os vindeiros días 3 e 4 de setembro está prevista a celebración da proba de acceso ao primeiro curso do grao elemental, este ano desprazada no tempo dende xuño a causa da emerxencia sanitaria producida pola COVID-19.

Nas seguintes ligazóns atópanse as datas e horarios de celebración da proba e máis as datas de publicación de resultados, asignacion de prazas vacantes e prazos de reclamacións e matrícula. Ademais, a descrición, contido e criterios de avaliación da proba, e o protocolo sanitario que será preciso seguir no seu desenvolvemento.

Datas, horarios, datas de publicación de resultados, prazos, etc.

Descrición, contido e criterios de avaliación da proba

Protocolo sanitario

Probas extraordinarias

Nas seguintes dúas ligazóns atópanse a listaxe cos horarios das probas extraordinarias correspondentes ao curso 2019-2020 e máis o protocolo sanitario que será preciso atender no seu desenvolvemento. O relevante para todos nós do rigoroso cumprimento das necesarias medidas de prevención fronte á COVID-19 fan preciso o coñecemento e respecto en canto a dito protocolo.

Probas extraordinarias 2019-2020, horarios

Probas extraordinarias 2019-2020, protocolo sanitario

Calendario e horario do mes de agosto

Durante as vindeiras dúas semanas o centro permanecerá pechado. Volvemos abrir as portas o luns 17 no horario de 09:30 a 13:00.
As nosas canles de comunicación, en calquera caso, permanecerán activas para resolver calquera cuestión que vos xurda.
Gozade duns bos días de lecer!