Publicado o sábado, 7 de decembro de 2019:
Publicado o martes, 3 de decembro de 2019:
Gañadora do Concurso de Debuxo do ANPA
Mostrámosvos o deseño gañador para as nosas sudadeiras da ANPA do CMUS.
A autora é Elisa Liangyao Sánchez Veiga. Esperamos que vos guste tanto como a nos.
¡¡¡Parabéns!!!
Elisa, nos vindeiros días poñerémonos en contacto para que recibas os teus agasallos.
A ANPA do CMUS.
 |
| Debuxo Gañador: Elisa Liangyao Sánchez Veiga |
Publicado o luns, 25 de novembro de 2019:
VI Xuntanza Soncello
Os días 14 e 15 de decembro celebrarase no CMUS Xoán Montes a VI Xuntanza da asociación de violonchelistas Soncello.
Publicado o venres, 22 de novembro de 2019:
Xurxo Morales gañador da fase autonómica do Concurso Intercentros
O alumno de Saxofón do CMUS Xoan Montes de Lugo Xurxo Morales resultou gañador da fase autonómica do Concurso Intercentros Melómano 2019, tocando Prelude cadence et finale de Alfred Desenclos e representará a Galicia na fase final que se celebrará en Alicante.
¡¡¡ PARABÉNS !!!
Concerto de Nadal: Agrupacións de Grao Elemental e Banda Xuvenil
O vindeiro martes 17 de decembro ás 19 horas no Círculo das Artes de Lugo, as agrupacións de Grao Elemental xunto coa Banda Xuvenil ofrecerán un concerto didáctico destinado a todos os nenos e nenas da cidade interesados en coñecernos.
A entrada será libre. Esperamos contar coa vosa asistencia e que gocedes da actuación destes pequenos músicos.
Publicado o mércores, 20 de novembro de 2019:
Concerto homenaxe a Indalecio F. Groba
Concerto organizado polo Concello de Lugo e a Sociedade Filarmónica a proposta de antigos discípulos do mestre.
Publicado o martes, 19 de novembro de 2019:
Placa de recoñecemento polo programa Erasmus+
Estamos moi ledos!!
O SEPIE (Servicio Español para la Internacionalización de la Educación) acaba de enviarnos unha placa identificativa que acabamos de colocar na entrada do noso conservatorio,
por participar no Programa Erasmus+ (2014-2020).
Con esta placa nos recoñecen o noso esforzo e adicación por impulsar o sentimento de cidadanía europea, educación inclusiva e internacionalización da educación.
Publicado o luns, 11 de novembro de 2019:
Actividade extraescolar có Ensemble Zoar
O vindeiro martes, 26 de novembro de 2019, o Ensemble Zoar ofrecerá un concerto no Círculo das Artes de Lugo. O Ensemble Zoar é un quinteto de vento-madeira (frauta, óboe, clarinete, fagot e trompa). Neste concerto tamén contan coa participación dun pianista.
O programa do concerto é o seguinte:
L.v. Beethoven: Variaciones sobre La ci darem la mano / W. A. Mozart: Trío para clarinete, piano e fagot Kv. 498 / Quinteto para piano e vento Kv. 452.
O Departamento de Vento-Madeira organiza unha actividade para a asistencia en grupo a dito concerto dos alumnos que estean interesados. A actividade incluirá un encontro antes do concerto cos membros do Ensemble Zoar.
Os interesados deberán entregar a inscrición na conserxería do centro ata o xoves 21 de novembro de 2019
